Noyabrın 26-da Pekində Azərbaycan-Çin ticarət-iqtisadi əməkdaşlıq üzrə Hökumətlərarası Komissiyasının 5-ci iclası keçirilib. İki ölkə arasında iqtisadi və ticarət münasibətlərinin daha da genişləndirilməsi üçün yaradılmış komissiyanın növbəti iclasının gündəliyində əsasən nəqliyyat sahəsində əməkdaşlıq, o cümlədən Çindən Avropaya və əksinə istiqamətdə yüklərin daşınmasında nəqliyyat-logistika imkanlarından istifadə, qarşılıqlı sərmayə qoyuluşu kimi məsələlər daxil idi.