SİYASƏT


Ermənistan növbəti dəfə döyüş pilotsuz uçuş aparatından istifadə edib

Ermənistan silahlı qüvvələri Tərtər rayonu ərazisində qoşunların təmas xəttində növbəti dəfə döyüş pilotsuz uçuş aparatından istifadə edib. Müdafiə Nazirliyinin mətbuat xidmətindən AZƏRTAC-a bildiriblər ki, düşmənin kustar üsulla hazırladığı yandırıcı-partlayıcı vasitələr və metal elementlərlə doldurulmuş qurğunun bölmələrimizin mövqelərinə atılması nəticəsində hərbi qulluqçumuz əsgər Babakişiyev Muraz Kamal oğlu yüngül bədən xəsarətləri alıb. Hazırda hospitala yerləşdirilən əsgər M.Babakişiyevin həyatı üçün heç bir təhlükə yoxdur.
© Materiallardan istifadə edərkən hiperlinklə istinad olunmalıdır