SİYASƏT


Düşməni məhv edən əsgərlərimiz

Qəhrəman Azərbaycan Ordusunun əsgər və zabitləri torpaqlarımızın yağı düşməndən azad edilməsi uğrunda Vətən müharibəsində yüksək fədakarlıq və rəşadət göstərir, hər gün yeni-yeni qəhrəmanlıq nümunəsi yaradırlar.Müdafiə Nazirliyinin mətbuat xidmətindən AZƏRTAC-a daxil olan növbəti videoçarxda Azərbaycan Ordusunun igid əsgərləri Elnur Mirzəyevdən və Rauf Zərgərlidən söhbət açılır.Cəsur əsgərlərimiz Vətənimizin azadlığı uğrunda döyüşlərdə fəal iştirak edərək düşmənin xeyli sayda atəş nöqtəsini, canlı qüvvəsini, dayaq məntəqələrini, düşmənin silah-sursat daşıyan hərbi kolonunu top atəşi ilə məhv ediblər.