Mobil telefonlarımız bir neçə dəqiqəlik sönür, açıldıqdan sonra isə şəxsi məlumatlarımız və bank kartlarımızda olan pullar yoxa çıxır. Bəli, düz eşitdiniz, mobil telefonlarımız kiberdələduzların hədəfindədir. Üsullar fərqli olsa da, məqsəd hər zamankı kimi eynidir-cinayət yoluyla pul qazanmaq. İnformasiya texnologiyaları üzrə ekspert Fərid Pərdəşünasın sözlərinə görə, mobil telefonlarımıza olunan kiberhücumlar rəsmi olmayan mənbələrdən yüklədiyimiz proqram və ya mobil tətbiqlərlə bağlıdır. Həmin təhlükəli proqramlarda müdaxilələrə qarşı müdafiə sistemi olmadığı üçün kibercinayətkarlar asanlıqda mobil telefonlara daxil olurlar.