SİYASƏT


Türkiyə televiziyası Prezident İlham Əliyevin erməni baş naziri ilə görüşündən süjet yayımladı

Türkiyənin “HaberGlobal” televiziyası Münhen Təhlükəsizlik Konfransı çərçivəsində Ermənistan-Azərbaycan Dağlıq Qarabağ münaqişəsi ilə bağlı panel müzakirələr haqqında süjet təqdim edib. AZƏRTAC xəbər verir ki, “Əliyevdən Paşinyana tarixi şillə” adlı süjetdə ilk dəfə Azərbaycan və Ermənistan liderlərinin mətbuat qarşısında Ermənistan-Azərbaycan Dağlıq Qarabağ münaqişəsini müzakirə etdikləri bildirilir. Süjetdə İlham Əliyevin arqumentlərə əsaslanan təmkinli çıxışına diqqət çəkilir. Həmçinin, kəkələyə-kəkələyə bir nitqlə tarixi təkzib edən Paşinyanın anlaşılmayan fikirlərinin başdan ayağa yalan olduğu bildirilir.