SİYASƏT


Azərbaycanda koronavirusa yoluxma ilə bağlı qırmızı zona yoxdur

Azərbaycanda hansısa bölgədə yoluxma hallarının çoxalması ilə bağlı yayılan məlumatlar əsassızdır.
AZƏRTAC xəbər verir ki, bunu bu gün keçirilən mətbuat konfransında Nazirlər Kabinetinin mətbuat xidmətinin rəhbəri İbrahim Məmmədov deyib.
Onun sözlərinə görə, Bakıda əhalinin sayı çox olduğundan xəstələrin sayı da nisbətən çoxdur:
"Amma Azərbaycanın digər regionlarında elə bir fərqli yoluxma halı yoxdur. Bütün regionlarda yayılma halları eynidir. Sərhəd-keçid məntəqələri harda varsa, orda karantin rejimi var. Harda gediş-gəliş çoxdursa, orda da vətəndaşlar karantinə alınır. Azərbaycanda xüsusi qırmızı zona yoxdur. Bəzi Azərbaycana düşmən olan ölkələr hansısa bölgədə daha çox yoluxma hallarının olduğu barədə şaiyələr yayırlar".

© Materiallardan istifadə edərkən hiperlinklə istinad olunmalıdır