CƏMİYYƏT


İsmayıllı gənclər “Pray for Ganja” adlı guşə hazırlayıblar

Gənclərin İnkişaf və Karyera Mərkəzinin İsmayıllı nümayəndəliyinin Gənc Könüllüləri Gəncədə törədilən terror hadisələrindən bəhs edən guşə hazırlayıblar.
AZƏRTAC-ın bölgə müxbiri xəbər verir ki, gənc könüllülər Gəncədə baş verən terror hadisələri və terror qurbanlarının fotolarını çap edərək guşəyə yerləşdiriblər. Guşədə “#StopArmenianAggression”, “#StopArmenianOccupation”, “#PrayforGanja”, “#KarabakhisAzerbaijan” həştəqləri də qeyd edilib. Məqsəd Gəncə hadisələrini rayon sakinlərinin və qonaqların diqqətinə çatdırmaqdır.