Müdafiə Nazirliyinin Xızı rayonunun ərazisində yerləşən N saylı hərbi hissəsinin sursat anbarında baş vermiş partlayışla əlaqədar evlərinə zərər dəyən sakinlər üçün tikilən yeni mənzillər noyabrın sonunadək hazır olacaq. AZƏRTAC xəbər verir ki, Azərbaycan Respublikası Ərazilərin Bərpası və Yenidən Qurulması üzrə Agentlik tərəfindən Giləzi qəsəbəsində tikilən üç evin hazırda dam örtüyü vurulur.