Azərbaycan Tibb Universitetinin insan anatomiyası kafedrasının anatomik tədris muzeyi "Ümumi sümük muzeyi" adı altında 1919-cu ildə professor V.İ.Razumovski tərəfindən yaradılıb. Muzey 2017-ci ildə Mədəniyyət və Turizm Nazirliyi tərəfindən qeydə alınıb. Muzeyin xidmətindən təkcə yuxarı kursların tələbələri, aspirant və rezidentlər deyil, həmçinin müxtəlif ixtisaslı həkimlər, eləcə də elmi-tədqiqat işləri aparan mütəxəssislər, dissertantlar istifadə edirlər.