CƏMİYYƏT


UNESCAP nümayəndələri DYP stasionar postu ilə tanış olub

Bakıda BMT-nin Asiya və Sakit okean üzrə İqtisadi və Sosial Komissiyası (UNESCAP) ilə birgə “Yol təhlükəsizliyi” mövzusunda regional seminar keçirilib. Seminarda region ölkələrinin, UNESCAP katibliyinin, ABŞ və Yaponiya ekspertləri, o cümlədən DİN BDYPİ-nin əməkdaşları da iştirak edib. Seminarın əsas məqsədi yollarda baş verən qəzaların səbəblərini araşdırmaq və həlli yollarının tapılmasının müzakirəsi olub. Çıxış edənlər öz ölkələrində baş vermiş yol nəqliyyat hadisələrinin statistik göstəricilərini, daha çox baş vermə səbəblərini və həlli istiqamətində hansı işlər görüldüyünü göstərən prezentasiyalar təqdim edib və bu çıxışlar ətrafında geniş müzakirələr aparılıb. Seminarın ikinci günündə ölkəmizə gələn nümayəndələr BDYPİ-nin təşkilatçılığı ilə Azərbaycanda DYP xidmətinin fəaliyyəti ilə yaxından tanış olmaları üçün DYP stasionar postuna aparılıb, orada YPX tərəfindən görülən işlər əyani göstərilib.