Nəsimi rayonu Cavadxan küçəsində yerləşən şirniyyat dükanına basqın edilib. Naməlum şəxs əlindəki bıçaqla mağazanın satıcılarına hədə-qorxu gələrək kassadan 950 manat pul və 25 manat dəyərində spirtli içkini götürərək hadisə yerindən qaçıb. Nəsimi Rayon Polis İdarəsinin əməkdaşlarının həyata keçirdikləri əməliyyat-axtarış tədbiri nəticəsində qeyd edilən hadisəni törətməkdə şübhəli bilinən paytaxt sakini Arzu Abdullayev saxlanılıb.