CƏMİYYƏT


Xüsusi karantin günlərində SMS icazə alan vətəndaşların sayı AÇIQLANDI

Nazirlər Kabinetinin Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonunun ərazisində xüsusi karantin rejiminin sərtləşdirilməsi ilə bağlı əlavə tədbirlər barədə müvafiq Qərarı əsasında “Xüsusi Karantin Rejiminin Tətbiqi Zamanı İcazələrin Alınması və Monitorinqi Sistemi”nin fəaliyyəti yenidən aktivləşdirilib. Həmin ərazilərdə iyunun 21-i saat 00:00-dan iyulun 5-i saat 06:00-dək məhdudiyyətlər tətbiq edilir.
“ASAN xidmət”in İctimaiyyətlə əlaqələr şöbəsinin müdir müavini Sona Tağıyevanın AZƏRTAC-a verdiyi məlumata görə, məhdudiyyətlərin ilk günündə əməkdaşlar üçün icazənin alınması ilə bağlı 47 min 427 dövlət və özəl təşkilat, o cümlədən hüquqi şəxs yaratmadan sahibkarlıq fəaliyyəti ilə məşğul olan fiziki şəxs üzrə 690 min 330 aktiv icazə qüvvədədir. Vətəndaşlar evdən çıxmaq istədiklərinə dair icazə əldə etmək üçün 8103 qısa nömrəsinə 511 min 419 SMS göndəriblər ki, bunlardan da 149 min 177-si, yəni 29 faizi aidiyyəti olmayan məzmunla bağlı göndərildiyindən təsdiq cavabı almayıb. SMS-lərin 99.4 faizi 1 dəqiqə ərzində cavablandırılıb.

© Materiallardan istifadə edərkən hiperlinklə istinad olunmalıdır