XIX əsrdə Qafqaza köçürülən alman ailələrindən 124-ü Yelenendorf, yəni indiki Göygöl şəhərində məskunlaşıb. Şəhərin alman sakinləri tərəfindən burada 6 küçə salınıb, 500-dən çox ev tikilib. Bu gün də şəhərdə alman izlərinə memarlıq nümunələri ilə rast gəlmək mümkündür. Belə möhtəşəm memarlıq nümunələrindən biri evlərin altından yerləşən və “yeraltı şəhər”i xatırladan böyük zirzəmilərdir.

AZƏRTAC-ın bölgə müxbiri Göygöl rayonunda şəhərin alman sakinləri tərəfindən inşa olunan bu zirzəmilərə baş çəkib, burada gedən restavrasiya və yenidənqurma işləri ilə tanış olub.