• AZƏRTAC xəbər verir ki, festival “Gəncə Müstəqil Dövlətlər Birliyinin Mədəniyyət Paytaxtı 2017” layihəsi çərçivəsində MDB-nin Dövlətlərarası Humanitar Əməkdaşlıq Fondunun, Azərbaycan Respublikasının Mədəniyyət və Turizm Nazirliyinin və Gəncə Şəhər İcra Hakimiyyətinin birgə tədbirlər planına əsasən həyata keçirilib. Festivalda Rusiya, Belarus və Tacikistandan olan musiqi və rəqs kollektivləri, yerli mahnı və rəqs ansamblları, həmçinin Bakı şəhərindən gələn incəsənət nümayəndələri çıxış ediblər.
  • Naxçıvan Televiziyası Azərbaycanın Dövlət Himninin keçdiyi tarixi inkişaf yoluna videoçarx həsr edib. Videoçarx sosial şəbəkələrdə böyük marağa səbəb olub.
  • Qazaxıstan tarixçi alimlərdən ibarət elmi ekspedisiyası dünyada qazaxların və ümumilikdə türklərin miqrasiyasının izlənməsi və öyrənilməsi, eləcə də qədim hunların, türklərin, qıpçaqların nəsillərinin nümayəndələri ilə tanışlıq üçün Azərbaycana gəlib. Ekspedisiya Gürcüstan, Ukrayna, Sloveniya, Polşa, Macarıstan, Almaniya, İtaliya, Vatikan, Fransa və digər ölkələrə də səfər edəcək
  • Sabah ölkə ərazisində gözlənilən hava şəraiti ilə bağlı məlumat açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, sabah Bakıda və Abşeron yarımadasında hava şəraiti dəyişkən buludlu, əsasən yağmursuz olacaq. Şimal-şərq küləyi gündüz mülayim cənub küləyi ilə əvəz olunacaq.
  • Silahlı Qüvvələrin 2017-cı il üçün hazırlıq planına uyğun olaraq Raket və Artilleriya birləşmələrinin döyüş vərdişlərinin təkmilləşdirilməsi məqsədilə təlimlər keçirilir. Müdafiə Nazirliyinin mətbuat xidmətindən AZƏRTAC-a bildiriblər ki, döyüş şəraitinə uyğun vəziyyətdə keçirilən təlimlərdə artilleriya bölmələrinin marşı icra etməsi, cəmləşmə rayonlarına çıxarılması, qərarların qəbul olunması, gizliliyə riayət etməklə atəş və start mövqelərinin tutulması, döyüşün gedişində yerdəyişmə və digər tapşırıqlar yerinə yetirilir.