Xocalı faciəsi Azərbaycan tarixində ən dəhşətli, ən ağır faciələrdən biridir. Təəssüflər olsun ki, uzun illər beynəlxalq təşkilatlar ona lazımi qiymət vermədilər, ancaq Prezident İlham Əliyevin səyləri nəticəsində həmin faicə bir çox dövlətlər tərəfindən tanındı. Bu il ilk dəfə olaraq Xocalı faciəsi Xocalının özündə yada salınacaq. Bu da həm Azərbaycanın qələbəsi, həm ədalətin bərpa olunması deməkdir. Şəhidlərin ruhu şaddır. Bu fikirləri Namiq Əliyev hüquq elmləri doktoru, professor AZƏRTAC-a müsahibəsində deyib.