Bəzən valideynlər övladlarının daha səmərəli vaxt keçirmələri və sağlam böyümələri üçün onları idmana yönəldir. Lakin bu sağlamlıq təkcə fiziki yox, psixoloji olaraq da nəzərə alınmalıdır. Mütəxəssislər bildirirlər ki, valideynlər bu məsələdə diqqətli olmalıdırlar. Belə ki, uşaqların məşğul olacağı idman növü onların istəkləri ilə yanaşı, psixoloji vəziyətlərinə də uyğun seçilməlidir. Çünki uşaq yaşlarında alınan travma gələcəkdə böyük fəsadlara yol aça bilər.