Son həftələrdə COVID-19-un “omikron” ştamı ilə əlaqədar olaraq Azərbaycanda yoluxma sayı sürətlə artır. Nəzərə almaq lazımdır ki, “buster” doza ilə peyvəndlənmə orqanizmdə virus əleyhinə yaranmış anticisimlərin sayının artmasına səbəb olur. Bu da xəstəliyə yoluxmuş şəxslərin COVID-19-u daha yüngül keçirməsinə zəmin yaradır.
Azərbaycanda yeni növ koronavirus (COVID-19) infeksiyası əleyhinə “buster” doza ilə peyvəndlənməyənlər fevralın 15-dən etibarən bir sıra ictimai iaşə obyektlərinə buraxılmayacaq. Nazirlər Kabinetinin qərarına əsasən, peyvəndin 2-ci dozasının üzərindən 6 aydan çox keçmiş şəxslərin “Peyvənd sertifikatı” fevralın 15-dən etibarlı hesab edilməyəcək.