Dünya Bankının Azərbaycan üzrə ölkə meneceri Sara Maykl ölkəmizdə yoxsul əhalinin 60 faizinin kənd yerlərində yaşadığını diqqətə çatdıraraq, “ağıllı kənd” layihələrinin icrasının yoxsulluq səviyyəsinin azalmasına səbəb olacağını vurğulayıb. O bildirib ki, Dünya Bankı Azərbaycanın həyata keçirdiyi bu layihələri dəstəkləyir. Xatırladaq ki, işğaldan azad olunan Zəngilan rayonunun Ağalı kəndində tikinti-quruculuq işləri həyata keçirilərkən Azərbaycanda ilk dəfə olaraq “ağıllı kənd” layihəsi icra olunub. Bəs maraqlıdır, “ağıllı kənd” layihəsinin hansı xüsusiyyətləri yoxsulluq səviyyəsinin azalmasına xidmət edə bilər?