Qazi və şəhid ailələrindən olan 6400-dən çox şəxs aktiv məşğulluq proqramlarına cəlb olunub
24.06.2021 [17:05]
Xəbərin mətni
Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi media nümayəndələrinin qazi və şəhid ailələri üçün yaradılan kiçik təsərrüfatlarla tanışlıq məqsədilə mediatur təşkil edib.
AZƏRTAC-ın bölgə müxbiri xəbər verir ki, Xaçmaz və Quba rayonlarına təşkil edilən mediatur zamanı jurnalistlərə 44 günlük Vətən müharibəsi şəhidlərinin ailə üzvlərinin, qazilərimizin sosial dəstəklə təminatı tədbirləri barədə məlumat verilib.
