Bu ilin avqust ayından bəri ölkədə icbari tibbi sığorta çərçivəsində orqan transplantasiya əməliyyatları icra olunur. Bu il həm də Dövlət Proqramı ilə, həm də öz hesablarına əməliyyat olunanlar da var. Orqan transplantasiyası əməliyyatına ehtiyacı olan xəstələrin heç də hamısının donoru olmur. Bu da, meyitdən orqan köçürülməsi məsələsini daima gündəmdə saxlayır. Səhiyyə Nazirliyinin Orqan Donorluğu və Transplantasiyası üzrə Koordinasiya Mərkəzinin əsas məqsədi də Donor Bankının yaradılmasıdır.

Dekabrın 1-də Birləşmiş Ərəb Əmirliklərinin Dubay şəhərində BMT-nin İqlim Dəyişikliyi üzrə Çərçivə Konvensiyasının Tərəflər Konfransının 28-ci sessiyası - COP28 çərçivəsində təşkil olunan Dünya İqlim Fəaliyyəti Sammitinin açılış mərasimi keçirilib. AZƏRTAC xəbər verir ki, Azərbaycan Respublikasının Prezidenti İlham Əliyev tədbirdə iştirak edib. Birləşmiş Ərəb Əmirliklərinin Prezidenti Şeyx Məhəmməd bin Zayed Əl Nəhyan və BMT-nin Baş katibi Antonio Quterreş dövlətimizin başçısını qarşıladılar.

BMT-nin İqlim Dəyişikliyi üzrə Çərçivə Konvensiyasının Tərəflər Konfransının 28-ci sessiyası - COP28 çərçivəsində təşkil olunacaq Dünya İqlim Fəaliyyəti Sammitində iştirak etmək üçün Birləşmiş Ərəb Əmirliklərində səfərdə olan Azərbaycan Respublikasının Prezidenti İlham Əliyev noyabrın 30-da Dubay şəhərində Birləşmiş Ərəb Əmirliklərinin Prezidenti Şeyx Məhəmməd bin Zayed Əl Nəhyan ilə görüşüb. AZƏRTAC xəbər verir ki, dövlətimizin başçısı Birləşmiş Ərəb Əmirliklərinin BMT-nin İqlim Dəyişikliyi üzrə Çərçivə Konvensiyasının Tərəflər Konfransının 28-ci sessiyası - COP28-ə ev sahibliyi etməsi və bu tədbirin yüksək səviyyədə təşkil olunması münasibətilə Şeyx Məhəmməd bin Zayed Əl Nəhyana təbriklərini çatdırdı.

Bakı-Sumqayıt yolunun üzü şəhər istiqamətində avtobus zolaqları uzun müddətdir ki, var. Bu gündən etibarən isə əks istiqamətdə yəni Sumqayıta gedən tərəfdə avtobus zolaqlarının çəkilməsinə başlanılıb. Avtobus zolaqları yolun hər iki tərəfində Xırdalan dairəsindən Bakı Beynəlxalq Avtovağzala qədərdir. Yollar boyanmadan əvvəl yapışqan lent vasitəsi ilə xətlənir, boyama işinin ardınca isə xəttlərin qaranlıqda da seçilməsi üçün yola parıldadıcı maddə səpilir ki, məhz bu maddə nəqliyyat vasitələrinə gecə saatlarında avtobus zolağını seçməyə kömək edir. Avtobus sürücüləri yeni zolaqların onların işini daha da asanlaşdırdığını deyir.

“Günün Mövzusu”nun bugünki qonağı Bakı Dövlət Universitetinin dosenti, təhsil üzrə ekspert Rəşad Qardaşovdur. Mövzumuz, Xankəndidə qurulacaq “Qarabağ Universiteti”ndə nələrə diqqət edilməlidir.