Xaçmazda narkotik tərkibli bitkilər yetişdirən şəxs saxlanılıb
11.08.2021 [13:48]
Xəbərin mətni
Xaçmaz Rayon Polis Şöbəsinin əməkdaşları narkotik vasitələrin qanunsuz dövriyyəsinə qarşı mübarizə çərçivəsində rayonun Gülalan kənd sakini Şahin Yarıyevi saxlayıb.
Daxili İşlər Nazirliyinin Mətbuat Xidmətinin Quba Regional Qrupunundan AZƏRTAC-ın bölgə müxbirinə verilən məlumata görə, həmin şəxsin pay torpaq sahəsinə baxış keçirilən zaman əkib-yetişdirdiyi 51 ədəd yaş vəziyyətdə çətənə (kannabis) bitkisi aşkar olunaraq götürülüb.
