İmişlidə süd istehsalı məntəqəsinin fəaliyyəti antisanitar şəraitə görə dayandırılıb
29.09.2021 [18:19]
Xəbərin mətni
Qida Təhlükəsizliyi Agentliyinin Ucar regional bölməsi tərəfindən İmişli rayonunda keçirilən reyd zamanı sanitar tələblərin pozulduğu süd istehsalı məntəqəsi aşkarlanıb.
Regional bölmənin əməkdaşı Səbuhi Nuriyev AZƏRTAC-ın bölgə müxbirinə bildirib ki, İmişlinin Bəhrəmtəpə qəsəbəsi ərazisində fəaliyyət göstərən obyektə baxış keçirilən zaman antisanitar şəraitdə istehsal aparıldığı, həmçinin müəssisə daxilindəki şəraitin normalara uyğun olmadığı müəyyən edilib.
