Avropa İttifaqının Azərbaycandakı Nümayəndəliyinin rəhbəri, səfir Peter Mixalko İttifaqa üzv ölkələrin səfirləri ilə birlikdə Lənkəranda olub. Məqsəd Avropa İttifaqının Azərbaycanda həyata keçirdiyi fəaliyyət və layihələrə dair məlumatlılıq səviyyəsini artırmaqdır. Səfir Peter Mixalko Avropa İttifaqına üzv ölkələrin səfirləri ilə birlikdə Lənkəran Rayon İcra Hakimiyyətinin başçısı Taleh Qaraşovla görüşüb. Sonra qonaqlar Lənkəran Dövlət Universitetində olub, orada təqdimatlar keçirib və Aİ-nin maliyyə dəstəyi ilə həyata keçirilən iki layihənin benefisiarlarına baş çəkiblər. Daha sonra İstisu qəsəbəsində salınan Sitrus Vadisinə (“Citrus Valley”) mediatur təşkil edilib. Səfir Peter Mixalko benefisiar mülkiyyətçi -Sitrus Vadisi təsərrüfatın sahibi Rəftarə Şükürova ilə də görüşüb və ərazidə görülən işlərlə yaxından tanış olub.