Çinin Hunan əyalətində torpaq sürüşməsi nəticəsində 8 nəfər itkin düşüb.
AZƏRTAC əyalətin Fövqəladə Halların İdarəedilməsi Mərkəzinə istinadla xəbər verir ki, hadisə səhər erkən vaxtı Huayhua şəhərinə aid Dousi kəndində baş verib. Sürüşmə nəticəsində 4 ev dağılıb. İtkin düşənlər həmin evlərin sakinləridir. Hazırda onların axtarışları aparılır. Kəndin sakinləri təhlükəsiz yerə təxliyə olunub.