Səfir: Dövlət rəhbərlərinin diplomatiyası Çin-Azərbaycan münasibətlərinin inkişafında kompas və yüksələn ulduzdur
28.04.2025 [20:06]
“Çin Xalq Respublikasının Sədri Si Cinpinın dəvəti ilə Azərbaycan Prezidenti İlham Əliyev 22-24 aprel tarixlərində Çinə dövlət səfəri edib. Bu yaxınlarda Bakıda fəaliyyətə başlayan yeni Çin səfiri kimi iki ölkənin dövlət başçıları arasında fikir mübadiləsinin və ikitərəfli münasibətlərin yeni mərhələyə yüksəlməsinin bu mühüm tarixi anına şahidlik etmək mənim üçün şərəfdir. Bu səfərdə bütün proseslərdə iştirak edərək ən çox hiss etdiyim odur ki, dövlət başçılarının diplomatiyası Çin-Azərbaycan münasibətlərinin inkişafında bir kompas və yüksələn ulduzdur”. AZƏRTAC xəbər verir ki, bu fikirləri aprelin 28-də Bakıda keçirilən brifinqdə Çinin Azərbaycandakı yeni təyin olunmuş səfiri Lu Mey söyləyib.
