Humanizmdən dəm vuran Rusiyanın əsl siması ortaya çıxdı
29.06.2025 [13:35]
Xəbərin mətni
Rusiyanın Federal Təhlükəsizlik Xidmətinin Yekaterinburq şəhərində azərbaycanlıların yaşadığı evlərə basqını nəticəsində həmvətənlərimizin həlak olması, bəzilərinin ağır bədən xəsarətləri alması, habelə 9 nəfərin saxlanılması humanizmdən dəm vuran Rusiya dövlətinin əsl mahiyyətini ortaya qoydu. Hadisə şahidlərinin dediklərindən aydın olan odur ki, maskalı şəxslər onların evlərinə soxularaq, heç bir səbəb gətirmədən soydaşlarımızı dözülməz işgəncələrə məruz qoyublar. Baş verənlər, soydaşlarımıza qarşı sərgilənən bu davranış rus şovinizminin bariz nümunəsidir.
