Şabranın dörd kəndinin sakinləri selin uçurduğu körpünün təmirini gözləyir
18.11.2025 [13:55]
Xəbərin mətni
Şabranda 7 ay əvvəl sel sularının təsiri nəticəsində dağılan körpü təmir olunmayıb. AZƏRTAC-ın bölgə müxbiri xəbər verir ki, cari il aprel ayının 16-da güclü sel suları Şabrançay üzərindəki avtomobil körpüsünü uçuraraq əks istiqamətdəki kəndlərlə nəqliyyat əlaqəsini müvəqqəti məhdudlaşdırmışdı. Həmin vaxt körpü ilə yanaşı çay kənarında yaşayan kənd sakinlərinin evlərinə və təsərrüfatlarına ciddi ziyan dəymişdi. Yerli qurumların köməyi ilə fəsadlar aradan qaldırılsa da körpü indiyə kimi təmir olunmayıb.
