“Bu torpağın, bu yurdun həsrətini çox çəkmişik”
17.04.2026 [20:10]
Xəbərin mətni
Xocalı rayonunun Ballıca kəndi… Böyük Qayıdışın gerçəkləşdiyi ünvanlardan biri. İşğaldan azad olunduqdan sonra təmir-bərpa işləri aparılan, doğma sakinlərini yenidən qoynuna alan bu kənd indi firavan günlərini yaşayır. Baharın gəlişi isə kənddəki canlanmanı daha da artırıb. Təzə şumlanmış torpağın qoxusu, yeni əkilən fidanlar, çiçəkləyən ağaclar, əkin və abadlıq işləri ilə məşğul olan sakinlər və eşidilən uşaq səsləri həyatın bu torpaqlara əbədi qayıdışından xəbər verir.
