Qeyri-adi bilik və bacarıqları ilə seçilən autizmli Tahirin anası: Onun ilk müəllimi mən olmuşam
23.04.2026 [10:18]
Xəbərin mətni
Bəzən bir baxışla insanın daxili dünyasını kəşf edə bilirsən. 27 yaşlı autizmli Tahir Pənahovu tanıdıqda məhz bu hissi yaşamaq mümkündür. Onun baxışlarında sözlə ifadə olunmayan dərin duyğular gizlənir. Bəzən kövrələn, bəzən sakitliyə sığınan, bəzən də emosiyalarını açıqca ifadə edən Tahirin etdiyi hər hərəkət səmimi və içdəndir. O, istedadı və mübarizliyi ilə yaşıdlarından da geridə qalmır. Onun yanında isə hər zaman yorulmadan çalışan, övladının inkişafı üçün hər cür çətinliyə tab gətirən bir ana dayanır.
