Göygöl sakinində silah aşkarlanıb
31.01.2020 [15:42]
Xəbərin mətni
Qanunsuz saxlanılan silah-sursatın aşkarlanaraq götürülməsi istiqamətində daxili işlər orqanlarının əməkdaşları tərəfindən tədbirlər davam etdirilir.
Daxili İşlər Nazirliyinin mətbuat xidmətinin Gəncə regional qrupundan AZƏRTAC-a bildiriblər ki, Göygöl Rayon Polis Şöbəsi əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində rayonun Topalhəsənli kənd sakini Mərdan Həsənovun kənddə yaşadığı evə baxış keçirilən zaman oradan “Karabin” markalı yivli odlu silahı və həmin silaha aid 29 patron aşkarlanaraq götürülüb.
