Biləcəri qəsəbəsində avtomobil oğurlayan dayı-bacıoğlu saxlanılıb
21.05.2020 [15:50]
Xəbərin mətni
Binəqədi rayonunun Biləcəri qəsəbəsində paytaxt sakini İsmayıl İsmayılzadəyə məxsus “VAZ-2107” markalı avtomobil naməlum şəxs tərəfindən qaçırılıb.
Daxili İşlər Nazirliyinin mətbuat xidmətindən AZƏRTAC-a verilən məlumata görə, zərərçəkən ərazi üzrə Binəqədi Rayon Polis İdarəsinin 6-cı polis bölməsinə şikayət edərək nəqliyyat vasitəsinin oğurlandığını bildirib.
Hadisəni törətməkdə şübhəli bilinən paytaxt sakini əvvəllər məhkum olunmuş Sahib Əliyev və bacısı oğlu Nicat Musayev bölmə əməkdaşlarının “isti izlər”lə həyata keçirdikləri əməliyyat-axtarış tədbirləri nəticəsində tutulublar.
