Keramika sənəti ən qədim sənətkarlıq sahələrindən biridir. Bu qədim sənət növü ilə Azərbaycanda az sayda insan məşğul olur. Onlardan biri də cənub bölgəsində yeganə keramika ustası olan Tərlan Sadıqovdur.AZƏRTAC-ın əməkdaşı sənətkarın nağılabənzər emalatxanasında onunla görüşərək söhbət edib, minbir əziyyətlə yaratdığı əsərlərlə tanış olub.Tərlan Sadıqov 1994-cü ildə Əzim Əzimzadə adına Dövlət Rəssamlıq Məktəbini bitirəndən sonra təhsilini Azərbaycan Dövlət Mədəniyyət və İncəsənət Universitetində davam etdirib.