CƏMİYYƏT


İsmayıllıda şəhid Teymur Osmanlının xatirəsi anılıb

İsmayıllı rayonunun Cülyan kəndindən olan Osmanlı Teymur Saday oğlunun doğum günü - 26 yaşı mayın 31-də uyuduğu kənd qəbiristanlığında, məzarı yanında qeyd olunub.
AZƏRTAC-ın bölgə müxbiri xəbər verir ki, anım mərasimində rayon icra hakimiyyətinin başçısı, Səfərbərlik və Hərbi Xidmətə Çağırış üzrə Dövlət Xidməti İsmayıllı rayon Şöbəsinin rəisi, şəhidin yaxınları, kənd sakinləri iştirak ediblər. Şəhid Teymur Osmanlının xatirəsi ehtiramla yad edilib, məzarı üstünə çiçəklər qoyulub. Çıxışlarda Prezident, Ali Baş Komandan İlham Əliyevin rəhbərliyi ilə ötən il sentyabrın 27-də başlayan və 44 gündə Qələbə ilə başa çatan Vətən müharibəsinin tarixi əhəmiyyətindən, Teymur və onun kimi şəhid oğullarımızın Vətən qarşısındakı unudulmaz xidmətlərindən danışılıb.

© Materiallardan istifadə edərkən hiperlinklə istinad olunmalıdır