Qubada şəhid baş çavuş Əskər Əhmədovun xatirəsi anılıb
07.10.2021 [16:11]
Xəbərin mətni
Qubada Vətən müharibəsi şəhidi baş çavuş Əskər Əhmədovun şəhadətinin ildönümü qeyd olunub.
AZƏRTAC-ın bölgə müxbiri xəbər verir ki, qəhrəman döyüşçünün anım mərasimində Milli Məclisin deputatı Vahid Əhmədov, Daxili İşlər Nazirliyinin rəsmiləri, Quba Rayon Polis Şöbəsinin əməkdaşları, şəhidin döyüş yoldaşları, ailə üzvləri və kənd sakinləri iştirak ediblər. Mərasim zamanı şəhidin Paşaoba kənd qəbiristanlığındakı məzarı üstünə gül dəstələri düzülüb, xatirəsi ehtiramla anılaraq ruhuna dualar oxunub.
