Baş Prokurorluq xaricdə təhsil adı altında vətəndaşlara qarşı törədilən dələduzluq halları barədə videoçarx hazırlayıb
12.10.2021 [11:45]
Xəbərin mətni
Azərbaycan Respublikasının Baş Prokurorluğu son zamanlar xaricdə təhsil almaq adı altında vətəndaşların müxtəlif məbləğlərdə pulunun dələduzluq yolu ilə ələ keçirilməsi hallarının artması barədə maarifləndirici videoçarx hazırlayıb.
Baş Prokurorluğun mətbuat xidmətindən AZƏRTAC-a daxil olan videomüraciətdə bildirilib ki, prokurorluq orqanları tərəfindən bu kimi mənfi halların aradan qaldırılması, habelə təqsirkar şəxslərin aşkarlanaraq məsuliyyətə cəlb olunmaları istiqamətində kəsərli tədbirlər həyata keçirilir.
