CƏMİYYƏT


Tərtər: düşmənin artilleriya atəşi nəticəsində dəymiş ziyan aradan qaldırılır

Vətən müharibəsi dövründə Ermənistan silahlı qüvvələrinin artilleriya atəşi nəticəsində ən çox ziyan dəymiş ərazilərdən biri Tərtər rayonudur. Ermənistan silahlı bölmələrinin atəşi nəticəsində Tərtər rayonunun yaşayış məntəqələrində 57 ev və 5 qeyri-yaşayış obyekti tamamilə dağılıb, ümumilikdə, 6000-ə yaxın tikiliyə zərər dəyib.
AZƏRTAC-ın bölgə müxbiri xəbər verir ki, dövlət başçısının tapşırığına əsasən qısa zaman ərzində görülmüş işlər nəticəsində 5600-ə yaxın tikilinin təmir-bərpası, 44 ev və 4 qeyri-yaşayış obyektinin tikintisi yekunlaşdırılaraq sahiblərinə təhvil verilib. Hazırda 13 ev və 1 qeyri-yaşayış obyektinin inşası, 300-dən çox tikilinin təmir-bərpası davam edir. Tərtər rayonu üzrə işlərin tez bir zamanda yekunlaşdırılması üçün bütün qüvvələr cəlb olunub.