Şoran torpaqların əkinəyararlı vəziyyətə gətirilməsi, yenidən fermerlərin ixtiyarına verilməsi istiqamətində meliorativ tədbirlər davam edir. Mil-Qarabağ və Aşağı Şirvan kollektorlarında işlər mövsümə uyğun olaraq aparılır. Görülən işlər Mil-Qarabağ Aşağı Şirvan Kollektorlarının İstismarı İdarəsi tərəfindən reallaşdırılır. Məqsəd kollektor sistemlərini lildən və duzdan təmizləmək, şoranlaşmanın qarşısını almaq və torpaqların münbitləşməsinə töhfə verməkdir. Hazırda idarənin buldozer, ekskovator və digər texnikaları ərazilərdə bu prosesi həyata keçirir.