Koronavirus əleyhinə istifadə oluna biləcək yeni dərmanların Azərbaycana gətirilməsi müzakirə edilir
28.12.2021 [18:06]
Xəbərin mətni
Ölkəmizdə son iki həftədə koronavirus əleyhinə istifadə oluna biləcək yeni dərmanların gətirilməsi müzakirə edilir. Məsələ Səhiyyə Nazirliyi tərəfindən diqqətlə izlənilir. Sübuta yetirilmiş elmi məlumat topladıqdan sonra həmin dərmanların Azərbaycana gətirilməsi nəzərdən keçiriləcək.AZƏRTAC xəbər verir ki, bunu Nazirlər Kabineti yanında Operativ Qərargahın bu gün keçirilən brifinqində səhiyyə nazirinin birinci müavini, səhiyyə nazirinin vəzifələrini müvəqqəti icra edən Teymur Musayev deyib.
