Adətən görmüşük ki, avtomobil təmiri ustaları kişilər olar. Ağır iş olduğundan qadınları bu sahədə təsəvvür etmək çətindir. Amma bu çətin işin öhdəsindən gələn xanımlarımız da var. Bugünkü qonağımız ixtisasca tibb işçisi olan Nüşabə Şərifova hazırda avtomobil təmiri ustasıdır. Rusiyada tibb təhsili aldıqdan sonra bir qədər səhiyyə sahəsində, daha sonra döşəmə ustası kimi fəaliyyət göstərsə də, maşın təmiri sevdası onu arzularının arxasınca aparır. Deyir bu peşəyə marağı ona atasında gəlib.