Xalqımızın tarixinə qanla yazılan Xocalı faciəsinin 30-cu ildönümü respublikamızın hər yerində olduğu kimi, Yevlax rayonunda da dərin hüznlə anılıb. Faciə qurbanlarının anım günü ilə əlaqədar olaraq keçirilən tədbirdə Yevlax Şəhər İcra Hakimiyyətinin başçısı Anar Tağıyev, Yeni Azərbaycan Partiyası rayon təşkilatının, hüquq-mühafizə orqanlarının, mərkəzi icra hakimiyyəti orqanlarının regional təşkilatlarının rəhbərləri, ictimaiyyət nümayəndələri, şəhid ailələri, qazilər, hərbçilər iştirak ediblər.