CƏMİYYƏT


Tovuzda 4 nəfərin xəsarət alması ilə nəticələnən yol qəzası baş verib

Tovuzda yol-nəqliyyat hadisəsi baş verib. Hadisə rayonun Aşağı Öysüzlü kəndində qeydə alınıb.
AZƏRTAC xəbər verir ki, 2005-ci il təvəllüdlü Tağıyev Röyal Həsən oğlunun idarə etdiyi “Khazar” markalı minik maşını idarəetmədən çıxaraq su kanalına düşüb. Hadisə nəticəsində sürücü və sərnişinləri - 2005-ci il təvəllüdlü Qasımov Yaşar Elnur oğlu, 2005-ci il təvəllüdlü Qarayev Sənan Nazim oğlu, 2005-ci il təvəllüdlü Nəbiyev Süleyman Tofiq oğlu xəsarət alıblar.