CƏMİYYƏT


Göyçayda 4 otaqlı ev yanıb

Göyçay rayonunda yanğın baş verib. Hadisə səhər saatlarında rayonun Qaraman kəndində qeydə alınıb.
AZƏRTAC xəbər verir ki, kənd sakini, 1969-cu il təvəllüdlü Şəhriyar Əfəndiyevə məxsus ümumi sahəsi 196 kvadratmetr olan bir mərtəbəli 4 otaqlı evdə baş verən yanğının söndürülməsi üçün əraziyə FHN-nin Göyçay Dövlət Yanğından Mühafizə Hissəsinin 3 avtomobili və canlı qüvvəsi cəlb olunub.