Çinin cənub-qərbindəki Siçuan vilayətində 6,1 bal gücündə zəlzələ olub. AZƏRTAC Çin Seysmologiya Mərkəzinə istinadla xəbər verir ki, yeraltı təkan Yaan şəhərinin Luşan rayonunda yerli vaxtla saat 17:00 (Bakı vaxtı ilə 13:00) radələrində baş verib. Təbii fəlakət nəticəsində Luşan rayonunda 4 nəfər ölüb, 14 nəfər xəsarət alıb. Yaşayış binalarına, fərdi evlərə və infrastruktura ziyan dəyib. Hadisə yerinə 1400 nəfərdən çox yanğınsöndürən cəlb olunub. Yaan şəhər hökuməti 2-ci dərəcədə fövqəladə hazırlıq elan edib. Hazırda ərazidə axtarış işləri aparılır.