CƏMİYYƏT


Azərbaycan Televiziyasının bir qrup əməkdaşı Türkiyədə təcrübə keçib

Azərbaycan Televiziyasının (AZTV) bir qrup əməkdaşı Türkiyənin Radio Televiziya Verilişləri Şirkətində (TRT) təcrübə keçib. Televiziyanın 6 əməkdaşı (müxbir, sosial media mütəxəssisi, rejissor, operator, işıqçı, montajçı) iki həftə ərzində Ankaradakı təlimlərdə iştirak ediblər.
AZƏRTAC xəbər verir ki, Azərbaycan Televiziyasının əməkdaşlarının TRT-dəki ikihəftəlik təcrübəsi proqramının başa çatması ilə əlaqədar layihəyə dəstək verən Türk Əməkdaşlıq və Koordinasiya Agentliyində (TİKA) tədbir keçirilib. İki qardaş ölkənin televiziya qurumları arasındakı əməkdaşlıq çərçivəsində həyata keçirilən layihənin nəticələri yüksək qiymətləndirilib, qarşılıqlı təcrübə mübadiləsinin bundan sonra da davam edəcəyi bildirilib.

© Materiallardan istifadə edərkən hiperlinklə istinad olunmalıdır