Quba Rayon Polis Şöbəsinin əməkdaşları narkotik vasitələri əldə etməsi, saxlaması və daşımasında şübhəli bilinən Sabirabad rayon sakini Tural Tağızadəni saxlayıb.
Daxili İşlər Nazirliyinin Mətbuat Xidmətinin Quba regional qrupundan AZƏRTAC-ın bölgə müxbirinə verilən məlumata görə, həmin şəxsin üzərinə və avtomobilinə baxış zamanı külli miqdarda heroin, metamfetamin və 1 ədəd metadon həbi aşkar olunaraq götürülüb.