DÜNYA


Çində şiddətli yağışlar 12 nəfərin ölümünə səbəb olub

Çində şiddətli yağışların törətdiyi fəsadlar səbəbindən son iki gündə 12 nəfər ölüb, bir o qədər də insan itkin düşüb.
AZƏRTAC xəbər verir ki, Siçuan vilayətində təbii fəlakət nəticəsində Beyçuan rayonunda 6 nəfər ölüb, 12 nəfər itkin düşüb. Bundan başqa, 1400-ə yaxın sakin təxliyə edilib. Ümumilikdə, 23 minə yaxın sakin şiddətli yağışlardan ziyan çəkib, yollar yararsız hala düşüb, fərdi tikililərə zərər dəyib.