Çinin Şensi vilayətində şiddətli yağışlar ciddi fəsadlara səbəb olub
12.08.2022 [14:31]
Ardıcıl 13 saat davam edən yağış Conyan rayonunda evlərin, müxtəlif təyinatlı digər tikililərin, yolların dağılmasına səbəb olub. Bundan başqa, əkin sahələrini su basıb, avtomobilləri su aparıb. Rayonda daşqınlar ilə əlaqədar 2-ci dərəcəli fövqəladə mübarizə səviyyəsi elan edilib. Yol inşasında çalışan 5 fəhlə itkin düşüb. Hazırda onların axtarışı və təbii fəlakətin nəticələrinin aradan qaldırılması işləri aparılır. Meteoroloqlar yağıntılı hava şəraitinin növbəti 3 gündə də davam edəcəyini proqnozlaşdırıb.
