CƏMİYYƏT


Reza Deqati dağıdılan Ağdam şəhidlər xiyabanından danışıb

“1992-ci ildə Ağdama yollandım. Xeyli şəhidlər var idi. Düşmən qəbirstanlığı hədəf aldığından ölüləri 1941-1945-ci illərə həsr olunan parka yaxın ərazidə dəfn etməli olduq. Gördüklərimi çəkməyə başladım. Azərbaycanın şanlı qələbəsindən sonra yenidən Ağdama yollandım…”. Bu sözləri AZƏRTAC-a müsahibəsində məşhur fotojurnalist Reza Deqati söyləyib. O, düşmənin Ağdamı tamamilə viran qoyduğunu, gördüyü şəhidlər xiyabanını kövrək hisslərlə dilə gətirib. Azərbaycan əsilli fransız fotoqraf 1992-ci ildə çəkdiyi fotoların köməyi ilə insanların öz doğmalarının məzarlarını tapacağına ümid edir.