Kiperlər- heyvanların sağlamlığına, yemlənməsinə və yaşayış yerlərinin təmiz saxlanmasına cavabdeh olan, onlara hər zaman qayğı göstərən heyvanlar üzrə mütəxəssislərdir. Bu gün Bakı Zooloji Parkının heyvansevər, gülərüz və zəhmətkeş kiperləri öz işlərini sevərək yerinə yetirirlər. Bu peşənin sahiblərindən olan Natiq Səfərəliyev və Yeganə Abdulova AZƏRTAC-a müsahibələrində cavabdeh olduqları heyvanların yemlənməsinə və yaşayış yerlərinin təmizliyinə xüsusi diqqətlə yanaşdıqlarını söyləyiblər.