Bu gün səhər saatlarında İrəvanda 27 avtomobilin iştirakı ilə yol-nəqliyyat hadisəsi baş verib, nəticədə Davidaşen körpüsündə hərəkət dayanıb.AZƏRTAC xəbər verir ki, bu barədə jurnalistlərə Fövqəladə Hallar Nazirliyinin mətbuat xidmətindən bildiriblər. İlkin məlumata görə, qəza zamanı 27 avtomobil toqquşub, ölən və xəsarət alanlar yoxdur. Hazırda körpüdə hər iki istiqamətdə nəqliyyatın hərəkəti dayandırılıb. Ətraf küçələrdə tıxaclar yaranıb.